عيد سعيد مبارك علينا وعليكم كلكم بأذن الله .
احسن حاجة العيد والله .. تصحى الصبح على صوت الله اكبر الله اكبر ولله الحمد تتوضى وتنزل من البيت تلاقى الى لابس لبس العيد
والى لابس جلابيه بيضة والى والى .. جو فرحة كدا تحس ان الدنيا لسة بخير .. والناس كلها تتجمع فمكان واحد تصلى فيه ..
وترجع البيت تلاقى الخروف الى هيتدبح وتبص ف البيت الى جنبكم تلاقى عم اسماعيل ماسك الخروف بردو بتاعهم علشان يدبحه هههههههههه عجيبة ياجدع الناس غاوية تقليد …
<<<<<<<<< طبعا احنا مش من هواه الدبج فبنجيب اللحمة قبلها وننجز ..
وتدخل البيت تفتح قناه مولــتــى تتفرجلك على كام كليب من بتوع الجيل الصاعد الجديد .. يقوم الواد ابن عم اسماعيل يرمى صاروخ جنب الشباك يعمل صوت تقوم فاتح الشباك وتزعق لابن عم اسماعيل .. وعم اسماعيل يطلع وايده كلها دم من الخروف .. واخاف واقولو انا هسامحك علشان الدم الى فأيد ابوك دى ههههههههههههه
المهم انك تعيش العيد بجوة بفرحة بصواريخة بخرفانة .. بعم اسماعيل حتى كمان ..
مش فاهم اية الى خلانى احكى كل دا .. بس اهو كلنا عبيد الله ..
وكل سنة وانتم طيبين
وكل الزملاء فى الداخل والخارج وعلى المسافرين مراعاه فروق التوقيت الشتوى ..
ابتدت القصة بأول علامة وثقت بعدها ان ان شاء الله الايام الجايه خييييييييييير خييييييييير خيييييييييير يعنى
ازازة البرفان اتكسرت لوحدها بدون ما اجى جنبها .. الشنطة بطريقة ما مالت على الجنب والازازة تطلع من جوة الجيب وتتكسر
مشششششششششششش مشكلة فدايا ..
اول اليوم .. اروح الكلية علشان اقدم الشيتات .. جبت من بيتنا كل الشيتات بتاعة الترم دا معادا الشيت الى هيتقدم .. خييير خييير
وقدمت شيت من الشيتات دى اتبقى شيت هيتسلم والورق الى فيه الحل بتاع الشيت الى انا نسيته خلص اليوم وانا مروح وقع منى الشيت الى انا كاتبة والحل بتاع الشيت الى انا نسيتة فورق خارجى يعنى ..هههههههه خير يا جدعان الله
ورجعت بيتنا تانى يوم علشان اجيب الشيت الى انا نسيتة .. اهو احاول اصلاح شىء هههههههه وف الاخر تفتح السمكة متلاقيش الخاتم هههههههههه قصدى الشيت ..
اه والله الشيت مش فى البيت .. ومقطوع من الكتاب يعنى بالفعل الشيت كان معايا هههههههه
قولت مش مشكلة .. نسيت اقول انى جاى كمان علشان اجيب وصل المصاريف علشان جالى حرمان السنادى من مادتين علشان مبحضرش كتير والوصل دا مع الشهادة المرضى الى جبتها يتدبسو ويروحو للعميد دا المفرووووووووووووض بقى
وكان لازم ادفع تانى قسط علشان مينفعش وصل قسط واحد المهم خدت فلوس تانى قسط .. واخر فلوس متبيقة من المرتب
وهوب سافرت على شغلى .. هههههههههههههههه تخيل بقى قمة النحس .. المحفظة تتسرق او تقع منى ؟؟ هوا انا لسة مش عارف اتسرقت ولا وقعت بالفعل ههههههههههه ولسة جاى من القسم بردو ههههههههههههههههههههههههههههههههههه
وتخيل اكتر المحفظة جواها البطاقة والكارنية بتاع الكلية والكريدت كاردزالانترنت والتانية على عينها والفلووس بتاعة القسط واخر فلوس متبقية من المرتب .. على كام صورة عائلية على خط فاتورة هههههههههههههههههههههههههههههههههههههههههههههه
مش قااااااااااااااااادر والله هههههههههههههههههههههههههههههههههههههه
واحد ابن كلب عين امه دكر حددااااااااااااية وربنا حسدنى .. ولا انا منحوس ؟؟ بس دى اول مرة تحصلى هههههههههههههههههههههه
لاء لاء كفاية انا شوية وامشى من غير غير ال ………….
الحمدلله وخير خير خير خيييييييييييير
لاء لاء وكمان استنى دا انا ايميلى اتسرق امبارح ههههههههههه اه وربنا ههههههههههههههه
ههههههههههههههه
الواحد مش عارف يعيط ولا يضحك ولا يتنطط ولا اية فى الظروف دى ..
انا قايم اكمل شغلى وبكرة اروح الكلية يمكن الاقى الخاتم ههههههههههه قصدى الشيت الى ضايع
بغض النظر عن تدويناتى السابقة .. والى اقصد بيها التدوينات الى طارت مع السيرفر القديم .. اللهى يمسيك بالخير يا علاء
فكرت وقررت اكتب تانى فموضوع تمام .. وكنا بنتكلم فى التدوينة الى ضاعت ايام ما السيرفر اتحرق على خير ..
ان الكلمة دى لها اثرها السحرى فكل منطقة ..
مخنوق وعاوز ترد .. تمام … عاوز تعبر عن رأيك فحاجة … تماااااااام .. مش لاقى رد تقولة .. تمام … عاوز تحور على واحد .. تمام
وللاسف تركت اثرها بشكل قوى .. لدرجة ان الناس بتستعملها بدون ما تحس ان الكلمة نفسها اصبحت فمجتمعنا هيا الكلمة التمام ..
ودا يرجع لاثر رجعى فى التفكير الغير منطقى فى الشعور اللاواعى .. هههههههههه متقلقش قربنا نوصل للحل ..
متخدش بالك فى الكلام المشبك الى اتقال فى الاخر .. بس فى الاخر قررت انى اتعامل مع تمام كأنها كلمة باردة من شخص مش تمام
لان النسبة الكبرى فى استعمال الكلمة بتدل على منطق الاستلواح بشكل عام .. يعنى البرود فعصرنا الحالى
ولكل فعل رد فعل مساوى له فى الطول والحركة … يعنى المعاملة لازم تكون على القد .. معاك قرش تسوى قرش ..
مابينى وبينك الا الشغل ومابينك وبينى الا المرتب .. دا المنطق الى تقريباً نافع دلوقتى .. وللاسف انا شايفة فواحد صاحبى
وكنت بقول عليه انه مش مهتم بشغلة او بأى حاجة فحياتة او لامبالاه .. طلع ارجل شخص فينا .. وكان منطقة سليم 100 %
وللاسف كل افكارى وتقديرى اتغيرت قدامى من اول موقف حصل وعرفت فيه ان اقرب الناس لينا والمفروض انها بتدافع عنا من ورانا
هى نفس الناس الى بتــ .. ولا بلاش .. مش عارف هل هو تغيير علشان خوف عدم ضياع شىء معين منها .. او هل الفلوس الى بتعمل كدا فى الناس !!
او .. او .. او .. المهم .وكالعادة محدش هيفهم كتير معنى التدوينة دى لانها للاسف بردو كلها بتتلخص فكام كلمة ..
تمام لحد كدا >>
تدوين .. الله كلمة روعة .. كلها تدويييييييين كدا
من بين كل فترة وفترة ادخل ابص على مدونتى وابص على ردود الناس واشوف التدوينات الى كنت كاتبها قبل كدا
وابص على كلمة تدوين جوة اللوحة .. وافكر شوية كدا .. وبدون شعور ادوس على تدوين
الكل شايف ان عادى اى انسان عادى لازم يدون .. لكن انا مبدووووووووووووووووونش
ايوة مبدونششششششششششششش بدوس تدوين وبعدها اقفل المدونة
موضوع الاحباط الى كنت بحكيلكم عليه عامل شغل مية مية ..
يعنى حتى التدوين مبقاش ينفع للمساكين طيب اروح فين وادون لمين ؟
قولى يا عم برعى ؟
بتقول اية ؟
ايوة هروح انام اهو .. والله انت راجل عدااااااااااالة
فعلاً انا قايم انام .. النوم سيد المدليا …
ويبقى الحال مثل هو عليه <<<<<<<<<<<<
ساعات التفكير فى الى هتحققة اصعب بكتير من انك تحقق الى بتفكر فيه ..
نصيحتى ليك .. متفكرش
متفكرش التفكير لوحدة قادر يخليك محبط ..
وامشى على الجملة المشهورة
دعونا نعمل فى صمت
طيب ما الصمت ممل بردو ؟
الصراحة فعلاً كل حاجة مملة سواء فكرت او مفكرتش ..
انا عن نفسى مش عارف اية الى مش محبط
بس لما الواحد يتعب علشان حاجة وتتحقق كل الاحباط الى فيك بيروح ..
وبترجع تحبط تانى فحاجة تانية … بس المهم متبطلش ..
خلى قدامك هدف .. ومتفكرش فى الهدف نفسة .. فكر ازاى تخطط انك تكون قريب منة
بأختصار .. انا بكتب دلوقتى علشان محبط .. بس المرادى احباط مش قادر اطلع منة
مش عارف هو انا الى بعملة صح ولا غلط
هل انا غلط انى خدت خطوات انا مش قدها ؟
ولا خايف مكملش ؟
ولا انا محبط من الكلام الى بيتقال حواليا ؟
ولا خايف علشان الاحباط ذات نفسة ؟
ولا اية ؟
اية ؟
ايوة اية ؟
انا معرفش هوا فى ايييييييييييييييييييييييييييه :@
ربنا يسهل وتعدى الازمة دى على خير
يمكن كل الناس الى هتقرا التدوينة دى مش هتفهم حاجة ..
لان للاسف انا المرادى بدون ليا انا مش للناس
بس كفاية كدا
اى انسان طبيعى لما بيجرى بيتعب ؟؟ صح ولا اية ؟؟
طب لو جريت وتعبت وجريت تانى ؟؟ هيتعب بردو
طب لو جريت وتعبت وجريت وتعبت وجريت تانى ؟؟ يووووة انت هترغى ؟؟ اكيد هقع ع الارض
ايييييييييييييييييوه عليك نور انا عاوزكدا بالظبط ؟ شايفنى انا ع الارض اهو ههههههههههههه
بدون تعليق ^_^
اية مستغرب ؟؟
ايون الاخلاق خلاص تهدمت .. وحسيت كأن رمضان غير فى الناس دى الطرحة وبس
ومن ثم ؟؟
موضوع البدى والجيبة …
كنت راكب كالعادة المترو علشان اوصل المنيب واركب اى مواصلة رايحة بلدى وكالعادة مش شايف قدامى لانى ببقى مطبق فى الشغل
واقف مستنى المترو وبدعى ربنا الاقى مكان اقعد فيه علشان انام .. المهم لاقيت المترو جاى اتفتح الباب ابص يمين ابص شمال
مفيييش مكان !!!!!!
اية ؟ هقضيها واقف ولا اية ؟؟
طبعاً سيبك من كل الموقف الى بحكية دا وخليك فى الى هقولة دا
ببص فى الانحاء لاقيتلك بنت شكلها محترمة ولابسة طرحة واية مية مية طبعاً هتقولى اية يا عم انت صايم ولا بتبص ع البت ؟؟
هقولك انا الى خلانى ابص التقوى والاحترام ومسكتها للمصحف ,,
ها يا عم أكمل أكمل انت شكلك ااخرتك وحشة ….
باقى اللبس يابا بدى وجيبة ؟؟؟
اية يعنى ما البدى ممكن يتلبس عليه جيبة ؟؟؟
اية ؟؟ استنى كدا ؟؟ بدى !!! جيبة !!!
اة والله يا عم انت مش مصدق ؟؟
لا اصدقك طبعاً منا بركب المترو كل يوم وبشوف اشكال والوان بس الجديد موضوع المصحف دا ؟
اه يا عم صدق والله .. بكرة تلاقى اكتر من كدا
المهم نرجع للناس الى بتقولى انت صايم ولا بتبص ع البت ؟
هقولك لاء انا كنت بدور على مكان اقعد فيه وهحور
المشكلة ان الناس كلها بتسيب المشكلة الكبيرة وبتبص ع الحاجات الصغيرة
ربنا يكرمنا ويهدى الناس جميعاً ..
الواحد بقى زعلان على رمضان الى كان رمضان ايام زمان ..
مش عيب يختى انك تلبسى جيبة ولا تلبسى بدى بس العيب انك تعملى زى الى بيغسلو الاموال
مينفعش الحرام والحلال مع بعض
اوبااااااااااااا انت هتعمل شيخ علينا ولا اية يا عم ؟؟
لاء يا عم انا اسف .. دا تصدق دا حتى البت جامدة كدا سلااااااام يا زوووووق ( واخد زوق دى من كوابرى )
ايوة كالعادة الاهلى يكسب ؟؟ عندك اعتراض ؟؟
انا شايف واحد بيبص كدا وبيشمر دراعة … انصحه يخاف على قميصة ويسحب من سكات برا المدونة ..
طلعووووووووووووووووووووه برااااااااااااااااااااااااااااااااااااااااااااااااااااااااااااااااااااا :@
طبعاً انا أهلاوى لان اى انسان أديداس لازم يكون أهلاوى ؟؟ حد عنده اعتراض ؟؟ ( بيدور على مشاكل )
والله دايماً لما بسمع عن متش للاهلى وخاصة لما بيكون مع الزمالك فى الغالب مبتفرجش عليه
طبعاً مش غرور ولاحاجة .. بس الى اعرفة اننا من وانا صغير بشوف الاهلى دايماً بيكسب الزمالك
وكالعالدة جمهور الزمالك لسة بيشجع ناديه لان هيا الدنيا كدا لازم يكون فيه قط وفار
يعنى ازا الزمالك ملوش جمهور ؟؟ هنتراهن مع مين على الى يكسب ؟؟ هنتخانق مع مين بعد المتش ؟؟
ما علينا .. مختصر الكلام مبروك للاهلى كالعادة بردو على الفوز على الزمالك ..
ملحوظة : انا اول مفتحت المدونة دى كان متش بين الاهلى ومش فاكر مين بس كنت كاتب موضوع ببارك فيه بردو
اشوفكم مرة تانية فتدوينة تانية واحناااااااااااااااا لسة مكتبتنااااااااااااااااش >>>>>>>>>>> وأوعى النسسسسسسسسسر
لاء مكنتش مسافر .. رجعت مرة تانية اكتب فى المدونة … بعد الانهيار التام للسيرفر القديم الحمدلله جات سليمة والهارد اتحرق ^_^
دايماً كنت بقول ان السيرفر دا فى حاجة مطمنش @_@
المهم الحمدلله رجعنالكم مرة اخرى وان شاء الله السيرفر دا يفضل بعقلة